Durangoko Azokara joateko autobusak aterako dira larunbatean Laudio eta Amurriotik

Txabi Alvarado Bañares 2022ko abenduaren 6a

Landako gunea izango da azokaren epizentroa, urtero bezala. / Durangoko Azoka

Udalek antolatu dituzte garraioak. Prezioa 10 eurokoa izango da bi kasuetan, eta bihar arte (abenduak 7) egongo da izena emateko epea.

Bihar hasiko da Durangoko Azokaren 57. edizioa, eta bihar amaituko da, hain zuzen, bertara joateko autobusetan izena emateko epea.

Landako gunera joateko autobus bana antolatu dute Laudio eta Amurrioko Udalek larunbaterako. Amurrioko autobusa 10:00etan aterako da Telefonicatik. Itzultzeko, aldiz, bi ordu egongo dira: 21:00etan eta 2:00etan. Kultur Etxean erosi daitezke txartelak.

Laudioko Autobusa 10:15ean aterako da Institutuaren paretik, eta 21:00etan itzuliko da. Udaletxeko Hizkuntza Normalizazio eta Identitate zerbitzuan eskuratu beharko dira txartelak. Adinez txikikoak nagusi batek lagunduta egin beharko dute bidaia.

Kultura

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide