Gazte euskaltzaleen topaketa antolatu du Aiaraldeko Euskalgintza Kontseiluak biharko, ‘Guri bost?’ lemapean. 17:00etan izango da zita, Faktorian.
Elkarrizketa batekin abiatuko dute jardunaldia. Etzigarriak proiektuko Ane Zugaza eta Gazte Euskaltzaleen Sareko Aitor Imaz igoko dira oholtzara, euren esperientzien berri emateko. Bideo proiektzioa eta mahaingurua egongo dira jarraian, eta bakarrizketa musikatuarekin emango diote amaiera arratsaldeari, Iholdi & Ibabe Baristainen eskutik.
Hau izango egitaraua, orduz ordu:
16:50 // Harrera topaketako parte-hartzaileei
17:00 // Ongi etorria
17:05 // Euskal Herri mailako lau gonbidaturi elkarrizketa
17:45 // Publikoaren galderak
17:50 // Etzigarriak bideo laburra
18:00 // Mahaingurua taldetxoetan
18:30 // Mahai bakarraren bueltan: partekatu, eztabaidatu, proposatu,…
19:00 // Ibabe eta Iholdi Beristainen bakarrizketa musikatua
19:30 // Jan-edana, elkar ezagutu eta agurra
‘Guri bost?’ kanpaina
Topaketa iragartzeko, ‘Guri bost?’ bideo-kanpaina abiatu zuen Euskalgintza Kontseiluak duela zenbait aste, Euskaraldiaren erdian. Malen Atxa eta Goiatz Dutto musikari laudioarrak izan zituen bideagun horretarako. Euskarazko bi abesti ezagunen (Katedral bat eta Itzulera) gaztelerazko bertsioak grabatu zituzten musikariek, hala moduz. Modu horretan, hizkuntza hautuaren gaia jarri nahi izan zuten mahai gainean.
Zuzenean Aiaraldea.eus atarian
Aiaraldea komunikabideak topaketaren zuzeneko jarraipena egingo du. Horretarako, zuzenean emitituko du hasierako mahaingurua, Twitch zein Youtube kanaletan.