25 pertsonek hartu dute parte Bertsolari Txapelketa Nagusia dela eta Aiaraldea Komunikabideak eginiko porran. Atzo jokatu zen finala Iruñean, eta Maialen Lujanbio Zugastik jantzi zuen txapela.
Porrako irabazlea
Berez, parte hartzaile batek ere ez du klasifikazio osoa asmatu, baina horietako bostek jarri zuten txapelduna eta txapeldunordea Maialen Lujanbio eta Amets Arzallus izango zirela, hurrenez hurren: Irati Mendiguren Cosgayak, Maider Urtaranek, Nuria Camisonek, Naiara Otaolak eta Eukene Gazteluk.
Azken bi horiek zehaztu zuten Aitor Mendiluze hirugarren geratuko zela. Horrez gain, Eukene Gazteluk ipini zuen azken postua Joanes Illarregirentzat izango zela. Naiarak Otaola Gonzalezek, bere, aldetik, bi postu gehiago igarri zituen: Beñat Gaztelumendi 6. geratuko zela eta Nerea Ibarzabal, aldiz, zazpigarren.
Gauzak hala, Okondoko bizilaguna izan da gehien asmatu duena eta, ondorioz, berak jasoko du Aiaraldea Komunikabidearen opari sorpresa.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
