Renfe eta ADIF enpresa publikoek inbertsio berriak egingo dituzte 2023an C-3 tren lerroan, tren zerbitzuak puntualtasunez funtzionatu dezaten. Baina, horrez gain, komunak instalatuko dituzte tren geltoki guztietan.
Hain zuzen, garraio publikoa puntuala izan dadin, ez-ohiko neurriak hartuko dituzte. Besteak beste, tren gidariei patinete elektrikoak erosiko dizkiete, unitateteen punta batetik bestera mugitzeko ahalik eta lasterren. 2024an baloratuko dute enpresek segurtasun langileentzako patineteak ere izatea.
Komunei dagokienez, tren geltoki guztietan egongo dira, ez soilik udalerri handien geltoki nagusietan. Hau da, Arakaldok edo Iñarratxuk ere izango dituzte. Printzipioz, azpiegitura horiek erabiltzeko beharrezkoa izango da tren txartela edo bonoa baliatzea. Aintzat hartuta hurrengo urtean doako bonoa indarrean egongo dela, erraza izango da komunak baliatzea.
Inbertsio horiek egingo dituztela jakinarazi dute Madrilen ordezkaritza duten euskal alderdiek gaur, abenduaren 28an, Espainiako Gobernuko 2023ko aurrekontuen barruan.