Goia jo du aurtengo ziklo-kros denboraldiak asteburu honetan jokatzen ari den Espainiako Txapelketarekin. Kataluniako Vic hirian atondutako zirkuitua da lehia honen lekuko, eta bertan izan dira eskualdeko hainbat txirrindulari.
Iñaki Carro laudioarrak urrezko domina jantzi du master 30 kategorian. Lehia bizian izan da Carro, eta lasterketari buelta ematea lortu du podiumeko lehenengo postua erdietsi arte. Ibilbide oparoa egin du Aiaraldeko txirrindulariak azken urteetan, eta hainbatetan izan da Euskadiko ziklo-kros txapeldun ere.
Amurrioko Koba Cycling taldeko Gaizka Pujana eta David Hidalgo podiumeko hirugarren postura igo dira, Master 40 eta Master 30A kategorietan hurrenez hurren.
Kadete mailan Iker Colmenero izan da Aiaraldeko ordezkari nagusia. Euskadiko Selekzioarekin lehian aritu da, eta hirugarren postutik oso gertu ibili da lasterketa osoan baina postu bat galdu du azken itzulian eta bosgarren geratu da sailkapen orokorrean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide