Edukiz beteta dator Aiaraldea Hemen hamabostekariaren urteko lehendabiziko zenbakia, 173. zenbakia alegia. Elkarrizketak, erreportajeak, albisteak, eskualdeko agenda edota herriz herrikako albisteak topatuko dituzte bertan irakurleek.
Azalean Elena Barker Urduñako DJa jaso dugu. Synthetika mugimendu gazteko kidea da bera, eta tekno musikan oinarritutako festa seguru eta anitzak antolatzea dute helburu. Ez da hori irakurleek agerkarian aurkituko duten elkarrizketa bakarra. Paula Urquijo dantzaria, Justino Arto pin bildumazalea edota Iñaki Carro Espainiako Ziklo-kros txapelduna dira hamabostekariko beste izen propioak
Bestelako edukiei dagokienez, Laudio Estudio 82 antzerki taldearen inguruko erreportaje sakona aurkituko du irakurleak 173. zenbaki honetan. Frankismoaren osteko Laudioko lehenengo antzerki taldea izan zen hura, eta garaiko argazki ugari bildu ditugu ere.
Hauek eta beste hainbeste gai interesgarri aurkituko ditu irakurleak Aiaraldea Hemen hamabostekariko orrietan. Datozen egunetan banatuko da hamabostekaria eskualdeko saltoki, taberna, ikastetxe, kulturgune, liburutegi eta kaleetan, doan.