Zurituta esnatu da gaur Aiaraldea. Elurra herriguneetarako jaitsi da, eta 300 eta 400 metroko altitudean erori daiteke gaurko egunean zehar.
Larrialdi zerbitzuek alerta laranja aktibatu dute elurte arriskuagatik, eta abisu horia prezipitazio iraunkorrengatik.
Asteazkena, hilak 18 / Miércoles, día 18
— SOS Deiak - 112 (@112_SOSDeiak) January 18, 2023
#AlertaLaranja
❄Elurragatik / Por nieve
#AbisuHoria
Prezipitazio iraunkorragatik / Por lluvia persistente
Olatuengatik / Por oleaje
Haizeagatik / Por viento@Euskalmet @ertzaintzaEJGV @udaltzaingoak pic.twitter.com/N9TEoDnAtZ
Mendateen egoera
Elurra eragina izaten ari da dagoeneko eskualdeko errepideetan. Altube eta Urduñako mendateko bideak moztuta daude, eta Barrerillatik kateekin edo negu-gurpilekin soilik igaro daiteke. Garateko gainan, aldiz, elurra ari du eta izotza dago, eta kontuz igaro behar da. Hemen ikusi daiteke mendateei buruzko informazio eguneratua.
Trafikoaren egoerari dagokionez, momentuz ez da aparteko gertakaririk jazo, Trafikoa.eus atariaren arabera.
Hemen ikusi daiteke eskualdeko errepide nagusien egoera zuzenean, Eusko Jaurlaritzako Segurtasun Sailaren kameren bidez.
Albiste hau eguneratzen joango gara egunean zehar, eguraldiaren garapenari buruzko informazioarekin.