Bi mendizale euskaldun desagertu ziren ostegunean Argentinako Patagonian: Amaia Agirre eta Iker Bilbao. Fitz Roy menditik jeisten zeuden elur-jausi batek harrapatu zituenean. Hirugarren mendizale batek ihes egitea lortu zuen.
Hiltzat jo dituzte bi mendizaleak. Larunbatean abiatuko zuten erreskatea, baina bertan behera utzi zuten azkenean, erreskateak abiatzeak erreskatatzaileen bizitzak arriskuan jarri ahal zituela baloratuta. Gauzak hala, bi mendizaleen gorpuak bertan geratuko dira.
Hiru mendizaleak profesionalak ziren eta federatuak zeuden. Iker Bilbao, gainera, suhiltzailea zen, eta Laudioko Suhiltzaileen Parkean egiten zuen lan, Abadiñon bizi zen arren. Hala jakinarazi dute Euskadiko Suhiltzaileek sare sozialetan.
Arabako Foru Suhiltzaileak oso atsekabetuta gaude gure lankide Iker Bilbaori eta Amaia Agirreri Patagonian gertatutakoarekin.
— Arabako Foru Suhiltzaileak (@BomberosAraba) January 21, 2023
Gure babesik eta maitasunik zintzoena une zail eta latz hauetan beren familiei eta lagunei. pic.twitter.com/JXskrRa65j
3.405 metroko altuera du Fitz Roy tontorrak. Inguruko beste mendi batzuk baino baxuagoa den arren, nahiko arriskutsua kontsideratzen da, pareta ia bertikalak dituelako eta inguruko klima oso aldakorra delako, batit bat.