Adifek, Espainiako burdinbide sarea mantentzeaz eta kudeatzeaz arduratzen den enpresa publikoak, 5.767 metroko hesia berriztuko du Laudio eta Basauri arteko trenbidearen zazpi puntutan. Laudio, Arrankudiaga, Ugao, Arrigorriaga eta Basaurin egingo ditu jarduketak.
Enpresak jakinarazi duenez, hainbat itxitura jarriko dituzte kokapenaren arabera. Hirigunean, esaterako, 2,5 metroko hesiak jarriko dituzte hormigoizko hormarekin eta goiko aldean burdin hesi metalikoarekin. Hirigunetik kanpoko eremuetan, aldiz, sare-begi zurruneko hesia eta metalezko zutoinak jarriko dituzte.
Adifek berak azaldu duenez, hesiak jartzearekin batera, behar den lekuetan sastrakak garbituko dituzte, zangak egingo dituzte edo hustubideak jarriko dituzte. Lizitazio bidez egingo dituzte lanok eta 954.002 euroko kostua izango dute.
Enpresak adierazi du lan horien helburua segurtasun-baldintzak areagotzea dela, bai herritarrenak zein trenenak. "Okerreko igarotzeak” ekidin nahi dituzte horrela, zehaztu dutenez.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
