Honezkero kalean dago Aiaraldea Hemen hamabostekariaren zenbaki berria, 175. alegia. Komunitate energetikoek hartu dute azala eta agerkariko erreportaje nagusia. Izan ere, asko dira azken urtean eskualdean garatzen ari diren gisa honetako esperientziak, eta hauek bertatik bertara ezagutzeko tartea hartu dugu.
Gai interesgarri ugari
Energia komunitateena ez da agerkariak jorratzen duen gai bakarra. Irakurleak hamaika kontu interesgarri aurkituko ditu aldizkariko orrien artean. Beste askoren artean, eskualdeko kirolaren historiari lotutako bi erreportaje sakon: Hockeyaren inguruko erreportajea hastapenetatik gaur egunera arte, eta Altzarrate zelaiaren historiari buruzko erreportajea.
Hauek eta beste hainbeste gai interesgarri topatuko ditu irakurleak Aiaraldea Hemen hamabostekariko orrietan. Datozen egunetan banatuko da hamabostekaria eskualdeko saltoki, taberna, ikastetxe, kulturgune, liburutegi eta kaleetan, doan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
