EH Bilduk hautatu du nork lideratuko duen bere hautagaitza Arabako Foru Aldundian, Aiaraldeari dagokionez. Izan ere, maiatzaren amaieran eskualdeko zerrendako burua Natxo Urkixo izango da.
Urkixo Laudioko alkatea izan zen zortzi urtez, 2011tik 2019ra bitartean, Bildurekin lehenik eta behin eta EH Bildurekin gero. 2019an politika publikoa utzi zuen, bere zinegotzi postuari uko eginda, oposizioan.
1960an jaioa, Urkixok bere lehenengo urratsak eman zituen politikan, berak aitortzen duen moduan, Bildun bertan. Ordea, bazen ezaguna Laudion euskalgintzako esparruan egindako lanagatik eta, bereziki, Lanbide Heziketako irakaslea izateagatik.
Izan ere, Delineazioan maisutza industrialaren ikasketak burutu ondoren, Deustuko Unibertsitatean Euskal Filologian lizentziatu zen eta 1979tik irakasle izan da Lanbide Heziketako ikastetxean, Teknologia eta Marrazketa Teknikoa eta Hizkuntza eta Literatura ikasgaiak ematen.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
