Kexaa eta Beotegiko bolatokietan emango diote hasiera Arabako XLVIII. txapelketari

Aimar Gutierrez Bidarte 2023ko mar. 10a, 12:00
Eskualdeko hainbat bolatokietan egingo dituzte jaurtiketak datozen hilabeteetan. / Jose Mari Gutierrez Angulo

Arabako XLVIII. bola txapelketari hasiera emango diote asteburu honetan. Kexaa eta Beotegiko bolatokietan egingo dituzte lehenengo botaldiak. Txapelketa maiatzaren 21ean amaituko da, Laudioko San Roke bolatokian.

Asteburuan ekingo diote Arabako XLVIII. bola txapelketari. Kexaako eta Beotegiko bolatokietan egingo dituzte lehengo tiradak, martxoaren 11n eta 12an. Ohikoa den bezala, eskualdeko elkarte guztiak batu dira txapelketaren antolakuntzan: Aiarako Bolatoki Kluba, Ruperto Urquijo Bolatoki Kluba, Txolope Kluba, Tertangako Bolatoki Kluba, Lekubatxe Kluba eta Okondoko Bolatoki Kluba.

Arabako txapelketako lehenengo sailkatuak jarraian jokatuko den Euskal Herriko txapelketara igaroko dira. Hauek dira txapelketaren datak eta bolatokiak:

  • Martxoak 11, 12: Kexaa eta Beotegi
  • Martxoak 25, 26: San Juan eta Gardea
  • Apirilak 1, 2: Urduña eta Tertanga
  • Apirilak 15 eta 16: Luiaondo eta Lendoñobeiti
  • Maiatzak 20 eta 21: San Roke bolatokia, A eta B

Jaurtiketa gehiago

Arabako txapelketatik kanpo, Aiarako zaletuek jaurtiketa antolatu dute datorren astebururako. Martxoaren 18an eta 19an San Jose Jaurtiketa egingo dute Luiaondoko bolatokian. Larunbatean 18:00etatik 20:00etara egongo dira jolasean; igandean, aldiz, 11:00etatik 13:00etara.

Kirola

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide