Aiaraldeko Berdintasun Martxaren IV. edizioko sari banaketa ekitaldiak egin zituzten atzo Amurrion eta Laudion. Parte hartzaile guztien denborak batu eta batez besteko markatik gertuen egon diren herritarrak saritu zituzten.
Iragan martxoaren 19an ehunka lagunek parte hartu zuten Laudio, Amurrio eta Luiaondo lotu zituen Aiaraldeko Berdintasun Martxa Neurtuaren azken edizioan.
Atzo,ibilaldiko sari banaketa egin zuten Laudioko Lezeaga Aretoan eta Amurrioko Kultura Etxean egindako ekitaldietan, Altzarrate eta Kaskagorri kirol elkarteen eskutik.
Sari banaketa egiteko parte hartzaile guztien denborak batu eta batez besteko denbora kalkulatu dute. Denbora horretatik gertuen geratu direnak izan dira sarituak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
