Kalean dago honezkero Aiaraldea Hemen hamabostekariaren zenbaki berria. Peio Rivas mago laudioarrak hartu du azala. Apirilean ikuskizun berria estreinatu zuen Rivasek, eta Aiaraldea Komunikabidearekin bere ibilbide artistikoaz hitz egiteko tartea hartu du.
Mago gaztearena ez da agerkariko elkarrizketa bakarra. Patience Idemudiarekin ere izan gara. Laudio Institutuko ikaslea da Patience eta duela gutxi Tenerifen egon da Filosofia Olinpiadan parte hartzen. 'Mugak eta justizia globala' izan zituzten hizpide Tenerifeko hitzorduan, eta bertatik ateratako hausnarketak gurekin elkarbanatu ditu.
Hauteskunde gehigarria
Aiaraldea Hemen hamabostekariaren azken alea ez da edonolakoa; maiatzaren 28an ospatuko diren udal eta foru hauteskundeei buruzko gehigarri zabala dakar bere orrien artean. Gehigarri bereziak eskualdeko hautagai nagusien iritziak jaso ditu, baita herriz herrikako analisiak eta datu historikoak.
Hauek eta beste hainbeste gai aurkituko ditu irakurleak Aiaraldea Hemen hamabostekariko orrietan. Datozen egunetan banatuko da hamabostekaria eskualdeko saltoki, taberna, ikastetxe, kulturgune, liburutegi eta kaleetan, doan.