Moonshine Wagon, Micky and The Buzz, Los Brazos, Xuorum eta Doctor Lawson taldeek joko dute Aiaraldean.
Azkena Rock Festival jaialdi ezaguna ekainaren 15ean, 16an eta 17an izango da Gasteizen, eta Iggy Pop, Melvins edota Calexico bezalako nazioarteko artista ospetsuek joko dute.
Edonola ere, data hori heldu baino lehen, Azkena Rock Festival Tour antolatuko dute, eta Aiaraldean izango dira egitasmoaren bi kontzertuak.
Ekainaren 9an, ostiralean, Moonshine Wagon eta Micky and The Buzz taldeak arituko dira Artziniegako frontoiko aparkalekuan. Moonshine Wagon erreferente bihurtu da heavy-bluegrass estiloan eta kide aiaraldearra dauka, Goiatz Dutto laudioarra, alegia. Micky and The Buzz, berriz, rock and roll klasikoko boskote bilbotarra da, eta Micky Paianok ditu abeslari ardurak.
Larunbatean, ekainaren 10ean, Laudioko Lamuza frontoian izango dira kontzertuak. Bilboko Los Brazos power-hirukoa, Xuorum punk-rock taldea, eta tokiko Doctor Lawson taldea arituko dira oholtzan.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
