Igandeko udal eta foru hauteskundeen jarraipen berezia egingo du Aiaraldea Komunikabideak, goizetik gauera arte. Unean uneko emaitzen jarraipena eskainiko du hedabideak Aiaraldea.eus atariaren eta sare sozialen bidez.
Horrez gain, zuzeneko emisio berezia eskainiko du Faktoriatik. 20:00etatik aurrera. Aiaraldea Komunikabideko kideek bertatik egingo dute emaitzen zuzeneko kontaketa, baina ez dira bakarrik egongo. Hiru gonbidatu bertaratuko dira Faktoriara hauteskunden eta emaitzen inguruko analisiak eskaintzeko. 20:00etan Oihana Gomara filosofian lizentziatu eta politikan aditua arituko da kamara aurrean. Ondoren, Almudena Otaola EAJren senataria eta Iñigo Martinez Cerrillo EH Bilduren aholkularia batuko dira saiora.
Hamabostekaria biharamunean
Biharamunean aldiz, Aiaraldea Hemen hamabostekariaren zenbaki berria argitaratuko da, hauteskundeen emaitzen inguruko gehigarri bereziarekin. Papereko edizioa eskualdeko saltoki, taberna, kulturgune, ikastetxe, kale zein bestelako espazioetan banatuko da, doan.