Zabaldu dituzte Udal eta Foru Hauteskundeetako hautetsontziak

Aimar Gutierrez Bidarte 2023ko maiatzaren 28a

Goizeko 9:00etan eman diete hasiera Udal eta Foru Hauteskundeei. Inolako eragozpenik gabe ireki dituzte eskualdeko bederatzi udalerrietako hautetsontziak. Aiaraldea Komunikabideak hauteskundeen zuzeneko jarraipena eskainiko du.

Zabaldu dituzte honezkero Aiaraldeko udalerri guztietako hautetsontziak, eta 9:00etatik aurrera 2023ko Udal eta Foru Hauteskundeetan parte hartzen hasi dira herritarrak. 20:00ak arte egongo dira hauteslekuak irekita, eta une horretan abiatuko da zenbaketa.

Hauteskunde Batzordeak 14:00etan eta 18:00etan jakinaraziko ditu parte-hartze datuak, eta Aiaraldea Komunikabideak herriz herri landuko ditu. 20:00etatik aurrera zenbaketaren zuzeneko jarraipena egin ahalko dute herritarrek, Faktoriatik zuzenean eskainiko den emisioaren bidez

Bihar goizean, aldiz, Aiaraldea Hemen hamabostekariaren zenbaki berria argitaratuko da, hauteskundeen emaitzen inguruko gehigarri bereziarekin. Papereko edizioa eskualdeko saltoki, taberna, kulturgune, ikastetxe, kale zein bestelako espazioetan banatuko da, doan.

Politika

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide