Oinharri formazio politikorako eskolaren aurkezpena, astearte honetan Faktorian

Txabi Alvarado Bañares 2023ko eka. 12a, 18:00
Deskargatu Info Ahotsak :

Oinharri eskolako zenbait kide, formazio barnetegia aurkezteko eginiko agerraldian. / Oinharri

Oinharri formazio politikorako eskolak Aiaraldea hautatu du uztailean egingo duen formazio barnetegia aurkezteko. 19:00etan izango da solasaldia.

Oinharri formazio politikorako eskolako kideak Faktorian egongo dira bihar (ekainak 13, asteartea), 19:00etan, euren proiektua azaldu eta uztailean egingo duten Formazio Barnetegia aurkezteko. "Aurkezpenean aditzera eman nahi dugu zer den Oinharri formazio eskola, nondik sortu zen eta nola kokatzen den egitasmo hau Euskal Herrian”, azaldu dute eskolako kideek. 

Aurreratu dutenez, herri mugimenduei formazio politikoa eskaintzea da proiektuaren xede nagusia, eta nabarmendu dute ez dela Euskal Herriko “ekimen isolatu” bat, antzeko eskolen “munduko sare bat” existitzen delako. 

Eskolaren metodo pedagogikoa ere izango dute hizpide biharko aurkezpenean. Brasilgo lurrik gabeko langileen mugimenduaren (MST) formazio ikuspegia jorratzen dute. "Elkarbizitzan formatzen gara, eta ez gara alde teorikoan soilik zentratzen", azpimarratu dute.

Gauzak hala, lau “irakaskuntza eremu” barnebiltzen ditu eskolak: “komunitate lanak, parte teoriko-praktikoa, antolakuntza eta kultura”. Guztiei ematen diete garrantzi bera, eta elkar uztartzen dituzte eskolan. 

Proiektuaren webgunean topatu daiteke informazio gehiago.

Zergatik Aiaraldean?

Horrez gain, aurtengo barnetegiaren aurkezpena Aiaraldean egitearen arrazoia ere azaldu dute Oinharriko kideek: “Iaz Gasteizen egin genuen aurkezpena eta ikusten genuen berriz hemen egiteak ez zuela zentzurik. Gauzak hala, buruan genuen Aiaraldean egitea, antolakuntza eta herri mugimendua duen eskualde bat delako eta, azken finean, Oinharri formakuntza eskolak herri mugimenduarentzako tresna eta bitarteko bat izan nahi duelako”.

Gaineratu dutenez, gertutik jarraitu dituzte eskualdean azken urteetan egondako langile mugimenduak, eta horregatik pentsatu dute aurkezpena eskualdean egitea. 

Politika

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide