Aiaraldea Ekintzen Faktorian, kultur ekitaldiak programatzeaz aparte, sormena garatzeko espazio eta eragile izan nahi dugu, eta euskal sortzaileen prozesu kreatiboen bidelagun izan. Horretarako, dauzkan tresnak eskainiko ditugu: azpiegiturak, aholkularitza, komunikazio zerbitzuak… Eta, deialdi honen kasun, mila euroko lau sormen beka.
Edonor aurkeztu daiteke deiladi honetara. Baldintza bakarrak, sormen proiektua originala izatea eta euskaraz garatuko dela ziurtatzea. Hortik aurrera, edozein diziplina, formatu edo fasetan egon daiteke proiektua: oso garatuta eduki edo oraindik zirriborro-ideia bat bakarrik izan. Bekak prozesu kreatiboa garatzeko laguntza gura du izan. Lau beka bidez, sormen lan berriak eta berritzaileak garatzeko.
Izena emateko epea irekita dago eta uztailaren 12ra arte egongo da indarrean. Kultur Faktoriaren webgunean (Bekak | KulturFaktoria) oinarriak ikusgai daude jada. Horretaz gain, webgunean deialdira aurkezteko inprimakia dago. Bekak nori eman zaizkien uztailaren 17an jakinaraziko da publikoki, epaimahaia Aiaraldeko kultur lan taldeak osatuko duelarik.
Deialdiaren inguruko zalantzak baldin badaude edota laguntzarik behar baldin bada proiektua aurkezteko prozeduran, hurrengo emailera idazteko gonbidapena luzatzen dugu: kultura@aiaraldea.eus. Izan ere, guretzat oso garrantzitsua da deialdia sortzaileengana eta beraien lanak aurkeztea; eta bide horretan, laguntzeko prest gaude.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
