ZOZKETA

'Landismo' liburuaren alea zozkatuko du Aiaraldea Komunikabideak

Erredakzioa 2023ko uztailaren 4a
Deskargatu Info Ahotsak :

Zozkatuko den liburua.

Bilduman Txani Rodriguezek ere parte hartu du eta ipuina idatzi du. Zozketa uztailaren 14an izango da. Hemen parte hartu daiteke zozketan.

Libros de Ruta argitaletxeak bere hamargarren urteurrena ospatzeko Landismo liburua plazaratu du. Testua, berez, ez da, zehazki Mikel Landari buruzko saiakera, baizik eta txirrindularitzak sortzen duen grinaren eta zaletasunaren gorazarrea.

Horrela, idazki bildumaren zuzendariak proposatu zuen Mikel Landa ardatz hartzea eta zeharka edo bete-betean, Amurrion bizi den txirrindularia agertzen da testu gehienetan.

Egileak, Peio Ruiz Cabestany, Marcos Pereda, Marc Cornetm Ander Izagirre, Elena Alcalde, Ramon Espinar, Ana Rosa Gomez Rosal, Guille Ortiz, Peio H. Riaño, Carlos Arribas eta Maria Sirvent dira.

Txani Rodriguezen kasuan, laudioarrak ipuina idatzi du eta bertan bere udalerria zein inguruak maiz agertzen dira. Irakurtzeko gogoak izanez gero, parte har ezazu zozketan.

Kultura

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide