Proiektuaren kudeaketa lanetan arituko den pertsona baten bila ari da Kokoriko Hezkuntza Faktoria. Interesa duten pertsonek abuztuaren 24a baino lehen bidali beharko dituzte aurkezpen gutuna eta curriculuma lanpoltsa@aiaraldea.eus helbidera (erderaz idatzitako curriculum edo aurkezpen gutunak alboratuko dira).
Lanpostuaren gaineko edozein zalantza argitzeko interesdunek lanpoltsa@aiaraldea.eus helbidera idatzi edo 693 85 53 12 telefono zenbakira deitu dezakete.
Lan-deialdia ebazteko kronologia
- Uztailak 27: Lan-deialdiaren zabalpena.
- Abuztuak 24: Aurkezpen gutuna eta CVa bidaltzeko azken eguna.
- Abuztuak 25: Jasotako hautagaitzen azterketa.
- Abuztuak 28-30: Hautatutako pertsonen elkarrizketak eta hautafrogak.
- Irailak 4-11: Lan Inkorporazioa.
Oharra: Uda garaia dela eta epeetan malgutasuna egongo da eta hautagaien disponibilitatea kontuan izango da.
Lan funtzioak
- Faktoriako haur, familia eta hezitzaileen programazioa diseinatzea, kudeatzea eta eskuhartzeak egitea .
- Hezkuntza ez-arautuko proiektuen kudeaketa: negulekuak, eskolaz kanpokoak, zaintza zerbitzuak…
- Diru-laguntza eta lizitazioen prestakuntza.
- Hezkuntza proiektuen diseinua, garapena eta jarraipena.
- Proiektuen kudeaketa ekonomikoa
- Langileen kudeaketa.
Eskaintzen da:
- 3 hilabeteko lanaldia egungo kudeatzailearen baja betetzeko. Epealdi hori igarota, lanean jarraitzeko aukera egongo da.
- Ordutegi malgutasuna. Bizitza pertsonala eta laborala kontziliatzeko erraztasunak.
- Lanaldi osoko kontratua (40 ordu astean).
- Lanaldiaren %20a telelanean egiteko aukera.
- 21.000€ gordineko urteko soldata.
- Euskararen eraldaketa sozialaren esparruan proiektu bizigarri baten parte izatea.
- Lantalde gazte eta dinamiko baten parte izatea.
- Lanpostua Laudion (Araba) kokatzen da.
Eskatzen da:
- Hezkuntza proiektuen kudeaketan (pedagogikoa eta ekonomikoa) eskarmentua eta gaitasuna.
- Hezkuntza alorreko titulazioa: Hezitzaile titulua, Pedagogia Gradua, Soziologia Gradua, Gizarte Hezkuntza Gradua
- Euskara ondo menperatzea.
- Erabakiak hartzeko gaitasuna.
- Lan taldeen zuzendaritza eta koordinazioan eskarmentua edo gaitasuna.
- Dinamizazio eta ekintzailetza gaitasuna. Askitasuna eta iniziatiba.
- Harreman pertsonaletarako gaitasuna.
Baloratzen da:
- Aisialdiko Zuzendari titulua.
- Hezkuntza metodologia garaikideen eta baloreen hezkuntzaren ezagutza.
- Sare sozialen eta webgunearen kudeaketa ezagutza.
- Aiaraldea Ekintzen Faktoriaren proiektuarekiko ezagutza eta atxikimendua.
- Aiaraldea Ekintzen Faktoriako boluntario taldeetan parte hartzea.
- Aiaraldea eskualdearen eta bertako eragile eta entitateen ezagutza.
- Aiaraldean jaio eta bizi izatea.