Euskalmetek Laudion jaso zuen atzoko tenperaturarik altuena: 43,4º

Aitor Aspuru Saez 2023ko abuztuaren 10a
Deskargatu Info Ahotsak :

Beroari aurre egiteko bide anitzak baliatu zituzten herritarrek.

Amurrion eta Orozkon ere tenperaturak oso altuak izan ziren Euskal Autonomia Erkidegoan, 40º baino gehiago.

Euskalmet agentzia meteorologikoak jakinarazi du atzo EAEn erregistratutako tenperatura altuena Laudion jaso zuela. Zehazki, Gardeako instalazioan izan zen eta 43,4º izan ziren.

Hala ere, beroaren eragina nabaritu zen eskualdeko udalerri guztietan ere eta EAEn Gueñesek soilik gainditu zituen Amurrion eta Orozkon egon ziren tenperatura beroenak.

Hain zuzen, Saratxoko estazioak 41,9º markatu zituen eta Orozkokoak, aldiz, 41,4º.

Hamabost neurketa azpiegitura dauzka Euskalmetek Euskal Autonomia Erkidegoan guztira.

Hego Euskal Herriko tenperatura altuenak Aiaraldean izan ziren, Nafarroan ez baitziren 40º-ra heldu.

Ingurumena

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide