ARGAZKIAK

Encina Castresana hautatu dute Aiarako Kuadrillako lehendakari bigarren aldiz jarraian

Aimar Gutierrez Bidarte 2023ko irailaren 27a
Deskargatu Info Ahotsak :

Saraubeko zelaian elkartu dira Aiarako Kuadrillako ordezkariak legealdi berriari hasiera emateko. Bigarren aldiz izendatu dute Encina Castresana jeltzalea kuadrillako lehendakari. Nekane Martinez izango da lehendakariordea.

Udalbatzak osatuta, eta ohitura zaharrei jarraituz, Saraubeko zelaian elkartu dira Aiarako Kuadrillako ordezkariak legealdi berriari hasiera emateko. Irma Basterrak, Arabako Batzar Nagusietako lehendakariak, gidatu du ekitaldia, eta datozen lau urteetarako lehendakaria hautatu dute.

Hiru hautagai aurkeztu dituzte alderdi politikoek: EAJko Encina Castresana eta azken legealdian kuadrillako lehendakaria izandakoa; EH Bilduko Nekane Martinez eta, azkenik, Nerea Gomez, alderdi independenteen ordezkari gisa.

Encina Castresana jeltzalea izan da bozka gehien lortu dituena 15 guztira. Ondorioz, bera izango da bigarren aldiz jarraian Aiarako Kuadrillako lehendakaria. Lehendakari-ordea, berriz, Nekane Martinez izendatu dute.

Aurreko legealdian abiatutako bidea jarraitzeko asmoa adierazi du Castresanak kargua hartu osteko hitzartzean. Kuadrillaren egoitza Aiaran ezartzea eta langileak egonkortzeko prozesuan jarraitzea izango dira helburuetako batzuk.

Politika

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide