Euskadiko I. Kros Liga egingo da urriaren 22tik aurrera. Euskal Autonomia Erkidegoko atletismo klubek eta Euskal Federazioak sustatu dute txapelketa kirola eta parte hartzea bultzatzeko.
Guztira, bederatzi proba izango dira. Urriaren 22an abiatuko da Zornotzan abenduaren 17an amaitzeko Eibarren. Kategoria bakoitzeko irabazleak plaza lortuko du Espainiako Txapelketan eta kirol federatuko maila guztietan jokatuko da, hau da, 16 urtetik gora.
Laudion eta Amurrion
Laudio Atletismo Klubak eta Oinkariak Klubak ere parte hartuko dute ligan eta kros lasterketa bana antolatuko dituzte Aiaraldean. Lehenengo proba azaroaren 26an izango da Laudion, Ellakurin, eta abenduaren 10ean Amurrion bigarrena, Reforren.
RFEAko egutegi nazionalean egongo dira biak. Baina, kirolari federatuentzat ez ezik, eskola kirolarientzat eta herri lasterketan parte hartu dutenentzat ere tokia egongo da proba bietan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
