Tarte luzez hausnartu ostean, Maied Urrutiak eta Josu Zaldibarrek osatutako epaimahaiak erabaki du Naturaren apeta izan dela saria jasotzeko hautatua 'Mundua' atalean eta Abesbatzaren etorkizuna. Laudioko Kasinoa, ordea, 'Aiaraldea' sailean.
Epaimahaiak honakoa adierazi du: "Teknika aldetik biak oso ondo daude. Naturaren apeta argazkian enkoadraketa naturalaren erabilera egokia eta oso estetikoa da, dauzkan kontraste eta testura ederrek argazkia irudi oso erakargarria bilakatzen dute".
Abesbatzaren etorkizuna. Laudioko Kasinoa irudiari dagokionez, epaileek honakoa azaldu dute: "Bigarrenak narratiba aldetik uda oso ondo kontatzen du. Hau da, udan topatu dezakegun ohiko egoera da, haurrak eta adineko pertsonak gauean dantzan, jolasean, jaian topatzen ditugu eta hau urtean zehar ez dugu hainbeste ikusten. Enkoadraketa ere ona da, argazki hori begiratzean uda benetan sentitu daiteke".
Itziar Montalbanek, 'Mundua' sailean irabazi ondoren, Trebiñu Sagardotegian 70 euroko menua izango du eta Shagora Cantalapiedrak, aldiz, El Lio jatetxean bi lagunentzako 60 euroko afariaren saria jasoko du.
Uda osoan 100 irudi baino gehiago jaso zituen Aiaraldea Komunikabideak Udariklik lehiaketan eta webguneo erabiltzaileek erabaki zituzten finalistak bozketa bidez.