Aiaraldean urrats ugari emango dituzte aste honetan azaroaren 30erako Hego Euskal Herri osoan deitua dagoen greba feminista orokorrari begira.
Iragan astean egin zen eskualdeko greba batzordea, herritar orori zabaldutakoa, eta herrietakoak egingo dira bihar -urriak 25- 18:30ean, Laudioko eta Amurrioko kultur etxeetan. Zehaztu dutenez, lehenegoan Laudio, Okondo eta Orozkoko herritarrak bilduko dira. Bigarrena, aldiz, Amurrio, Urduña, Aiara eta Artziniegako bizilagunei bideratua egongo da.
Ostegunean, aldiz, eskualdeko auzolana egingo dute, pankartak eta bestelako propaganda euskarriak prestatzeko. Laudioko Institutuko frontoian jarri dute horretarako zita, 17:00etatik 20:00etara.
π£ πππ πππππ π ππππππππ ππππππππ - ππππ ππππππππ πππππππ π£
— Aiaraldeko Greba Batzordea (@AiaraldeaGreba) October 23, 2023
Aiaraldean urratsak ematen jarraitzen dugu azaroaren 30eko Greba Feminista Orokorrera begira. Aste honetan hainbat kedada izango ditugu (mistoak, herritar ororentzat) πππ pic.twitter.com/h63IQ5cBxa
Agerraldia igandean
Aiaraldeko Mugimendu Feministak, bere aldetik, agerraldi ez-mistoa egingo du igandean Artziniegan, grebaren deialdia zabaltzeko. 13:00etan izango da zita Artziniegako frontoian.
Igande honetan eskualdeko feministok hitzordua dugu Artziniegan.
— Aiaraldeko Mugimendu Feminista (@AiaraldekoMF) October 24, 2023
Zaintza eskubide kolektiboaren alde A30 AIARALDEA GREBARA!
Tik tak... Badator! π#GrebaFeministaOrokorra#Azaroak30Noviembre pic.twitter.com/E9YQAkrKGp
Antolakuntza eredua
Nabarmendu dutenez, “greba orokorra” izango da azaroaren 30eko zita: “hau da, langile oro dago deituta deialdiarekin bat egitera, lanera ez joanez eta ez kontsumituz”. Dena dela, ekimenaren gidaritza mugimendu feministak izango duela gaineratu dute. “Berari dagokio erabaki estrategikoak eta irizpide ideologikoak eratzea. Ondoren, erabaki horiek materialki egikaritzeko, greba batzorde mistoak osatu dira, pertsona orori zuzendutakoak”, zehaztu dute grebaren antolakuntzaren nondik norakoak azaltzeko osatutako eskuorrian.
Greba batzorde funtzioa zein izango den ere aletu dute: “Aiaraldeko Mugimendu Feministak hilabeteak daramatza bilerak egiten grebaren aurrelanketa eta greba bera Aiaraldean nola gauzatu pentsatzeko. Orain, planteamendu hori egikaritzeko, greba batzordeak eratu dira, 2020ko greba orokorrerako sortu ziren markoak aprobetxatuz eta birformulatuz”. Azpimarratu dutenez, marko horiek mistoak dira, eta “eskualdeko pertsona ororen parte hartze eta inplikazioa” behar dute funtzionatzeko.
Arestian aipatu bezala, bi greba batzorde eratu dira herrietan:
1. Laudio, Orozko eta Okondoko herritarrena
2. Amurrio, Urduña, Aiara eta Artziniegako herritarrena
Bi batzorde horiek koordinatzeko eta planteamendu orokorren inguruan hitz egiteko, aldiz, eskualdeko greba batzordea deituko dute, hau ere herritar orori irekia. Zehaztu dutenez, hainbat lan-talde ere eratu dituzte, afera zehatzak lantzeko: komunikazioa, edukia edota saretzea, besteak beste.
Parte hartzeko deia
Zehaztu dutenez, Aiaraldeko Greba Batzordearen sare sozialetatik zein Whatsapp taldeetatik zabalduko dira deialdi guztiak, eta email bat ere jarri dute herritar ororen eskura (aiaraldekogrebabatzordea@gmail.com) informazioa eskatu edota dinamikaren antolakuntzan sartzeko.