Zeberiok hartuko du Herriko Fest jaialdiaren lehen edizioa azaroaren 3tik 5era bitartean. Ekimenak puntako musikariak (Green Valley, Amparanoia, Burbuilak, Skabidean, Bad Sound...), bertsolariak (Nerea Ibarzabal, Xabi Paya...) edota bestelako kultur proposamenak eskainiko ditu.
Zeberio KM0 eta jaialdiak berak hiru eguneko egitarau bizia antolatu dute eta azokak, kale kontzertuak, garagardo edota txokolate dastatzeak zein mahai inguruak egongo dira bertaratzen direnentzat.
Egitaraua zabala eta anitza da, kartelean ikus daitekeen moduan:
Aiaraldeko ekarpena
Eskualdetik kanpo eginda ere, Aiaraldeko zaporea izango du Herriko Festak. Aiaraldea Kooperatiba Elkarteak parte hartuko du Xabier Madariaga kazetariak bideratuko duen mahai inguru batean. Horrez gain, ostiralean Green Valleyk joko du eta igandean, aldiz, Burbuilak taldearen txanda helduko da. Arrankudiaga-Zollon bizi zen Gorka Txamorro ere dabil antolakuntzan murgilduta.
Bono bikoitzaren zozketa
Interesdunek bono bikoitza izango dute jokoan Aiaraldea Komunikabideak egingo duen zozketan. Parte hartzeko hemen egin daiteke izen-ematea.