Gaur eguerdian, 12:30ak aldera, larrialdi zerbitzuek bi mendizale bilatzeari ekin diote Tologorrin, Ertzaintzaren prentsa bulegoak Aiaraldea Komunikabideari jakinarazi dionez.
Hain zuzen, bi lagunak harrapaturik geratu dira mendiko toki batean eta ez dira gai ez jaisteko ezta igotzeko ere. Hori dela eta, larrialdi zerbitzuekin harremanetan jarri dira eta suhiltzaileak zein Ertzaintzaren helikopteroa aritu dira euren bila.
Mendizaleen kokapena topatu ondoren, baztertu dute Ertzaintzaren helikopteroa baliatzea erreskaterako eta eskualdetik aldendu da bitarteko hori. Orain suhiltzaileek aztertu behar dute nola aterako dituzten dauden tokitik. Momentuz, ondo daude osasunaren aldetik.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide