Laudioko, Arespalditzako, Luiaondoko eta Arrankudiagako anbulatorioetan murriztuko dituzte ordutegiak abenduan eta urtarrilean

Aitor Aspuru Saez 2023ko azaroaren 24a
Deskargatu Info Ahotsak :

Arespalditzako anbulatorioa, artxibo irudi batean. / Aiaraldea.eus

Osakidetzak jakinarazi du dagoeneko Gabonetako oporrek eta abenduko zubiak zer nolako eragina izango duten osasun zerbitzuan. EAEn 104 anbulatoriok murriztuko dute zerbitzua eta lau Aiaraldekoak dira.

Gabonetako oporrek eta abendu hasierako zubiak ordutegi eta zerbitzu murrizketak ekarriko dituzte Osakidetzan, eta horrek, aldi berean, isla izango du Aiaraldean.

Hain zuzen, lau anbulatoriok aldatuko dituzte ohiko ordutegiak: Laudiokoak, Arespalditzakoak, Luiaondokoak eta Arrankudiagakoak.

Berez, aldaketak honako hauek izango dira:

  • Arespalditzak abenduaren 7an itxiko du.
  • Laudion abenduaren 4, 18 eta 25, zein urtarrileko lehen asteetan ordutegia 08:00-17:00 izango da.
  • Arrankudiaga-Zollon anbulatorioa itxiko dute abenduaren 4ko, abenduaren 25eko eta urtarrileko lehen asteetan.
  • Luiaondoko anbulatorioa urtarrileko lehen astean itxiko dute.

Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide