Aiarako IX. Erakusleihoen Lehiaketa antolatu du AEKOk (Aiaraldeko Enpreseen Koordinaziorako Federazioak), Aiarako Kuadrillaren babesarekin.
Establezimenduek lehiaketaren bereizgarria daukate jarrita dagoeneko eta berehala hasiko da epaimahaiaren lana. Epaile teknikoak Gorka Otsoa de Alda, Iñigo Bastida eta Txus Suarez dira eta lanak baloratzeko orduan bost ezaugarri aztertuko dituzte: sormena eta originaltasuna, produktuaren erakusketa, argiztapena, kromatistika eta elaborazioa eta akabera.
Honako hauek izango dira sariak:
- Lehen saria: 700 euro eta garaikurra
- Bigarren saria: 300 euro eta garaikurra
- Hirugarren saria: 150 euro eta garaikurra
- Bi garaikur: Bata Aiarako erakusleiho onenarentzat eta bestea Okondoko erakusleiho onenarentzat.
Aurten, gainera, AENKOMER-ek (Arabako Merkataritza Federazioak) 150 euro eta garaikur bat emango dizkio erakusleiho deigarrienari. Abenduaren 20an Arespalditzan egingo den sari banaketa ekitaldian jakinaraziko dira irabazleak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
