'Beldur Barik' lehiaketak parte hartze handia izan du aurten Aiaraldean

Aitor Aspuru Saez 2023ko abe. 13a, 15:15
Deskargatu Info Ahotsak :

Laudion izan zen sari banaketa azaroaren 24an eta 27 lan aurkeztu zituzten eskualdeko ikasleek.

Laudioko Lezeaga Aretoak hartu zuen azaroaren 24an Beldur Barik lehiaketaren IX. edizioaren sari banaketa. Guztira 27 bideo prestatu zituzten eskualdeko ikasleek indarkeria matxistaren adierazpen oro salatzeko egitasmo honetarako.

Zehazki, Etxaurren Ikastola, Artziniegako Arteko Gure Ama, Amaurre Ikastetxea, Zabaleko Ikastetxea, Zaraobe Institutua, Mendiko eskola, Orozko eskola, Latiorro Ikastetxea, Fabian Legorburu Areta Herri Eskola, Laudio Institutua eta Laudio Ikastolak parte hartu zuten ekimenean.

Sariei dagokienez, Orozko eskolak, Artziniegako Arteko Gure Amak eta Etxaurren ikastolak eskuratu zuten kategoria bereziko hirugarren saria. Bigarren saria Zabaleko eskolarako izan zen, Zabalekon beldur barik! lanagatik, eta lehen saria Fabian Legorburu Areta Herri Eskolarentzat, Argazkirik, ez, ez da ez bideoagatik.

Bigarren kategoriako bigarren sariak Laudio Ikastolarako Pikito bat eta Zaraobe Institutuko Baina ze arraio? ikus entzunezkoek eskuratu zituzten. Lehen saria, aldiz, Laudio ikastolarentzat izan zen, Red Flag proiektuagatik.

Argazkiak: Laudioko Udala

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!