Aiarako Kuadrillako euskara teknikaria ordezkatzeko lan deialdia zabaldu dute

Aitor Aspuru Saez 2023ko abe. 14a, 07:30

Aiarako Kuadrillako udal osoko bilkura bat. / Aiaraldea.eus

Behin-behineko bajagatiko lanaldi osoko kontratua eskaintzen ari dira.

Aiarako Kuadrillak lan eskaintza plazaratu du euskara teknikariaren baja dela medio. Zabalik dago plaza duen langilea behin-behinean ordezkatzeko deialdia, eta hemen eman daiteke izena.

Langilea Aiarako Kuadrillan euskararen erabilera zaintzeaz arduratuko da, erabilera sustatuz, tokiko erakunde eta udalerri bakoitzaren Euskara Planaren edukiak zehaztuz, argitalpen ofizialak aztertuz, Kuadrillak kontratatutako itzultzaile enpresaren zerbitzua kontrolatuz eta Eusko Jaurlaritzarekin eta inguruko udaletako euskara teknikariekin koordinatuz, besteak beste, bere kategoriari dagozkion zereginak betez.

Eskakizunei dagokienez, Unibertsitateko diplomaturako gutxieneko prestakuntza, joan-etorrietarako ibilgailua eta euskarazko C2 titulua, Euskal Filologiako gradua eta Herri Administrazioko esperientzia eskatu dituzte.

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide