Eskualdeko zazpi borrokalarik parte hartuko dute Aiara´s Fighters Generation gau-emanaldian

Aitor Aspuru Saez 2023ko abe. 14a, 10:00
Aiara Fighters topaketaren II. edizioko argazkia.

Amurrioko Bañueta Kiroldegian izango da hitzordua abenduaren 23an 18:00etatik aurrera eta zenbait tokiko kirolarien debuta izango da egun horretan.

Aiara´s Fighters Generation borrokaldiaren edizio berria, laugarrena jadanik, egongo da abenduaren 23an, Chock Dee taldearen eskutik. Eskualdeko zazpi gazte igoko dira ringera: Idoia Arzuaga, John Garcia, Aitor Ibarluzea, Bilal Ben Yechou, Alain Vicario, Ruben Dominguez eta Eneko Rodriguez.

Tokiko kirolariak Chock Dee klub amurrioarrekoak eta Hajime laudioarrekoak dira eta, zehazki, derbia egongo da Alain Vicario laudioarraren eta Eneko Rodriguez amurrioarraren artean.

Aiaraldear batzuentzat debuta ekarriko du hitzorduak. Beste batzuek (Bilal Ben Yechouk, Ruben Domiguezek eta Idoia Arzuagak, adibidez), aldiz, badute eskarmentua.

Sarrerak Chock Dee gimnasioan eros daitezke aurretik 16 euroren truke eta egunean bertan 18 euro ordainduta. K-1 eta Muay Thai diziplinetako borrokak egongo dira eta horietako bi profesionalak izango dira.

Horrez gain, antolatzaileek autodefentsa ikastaroa eskainiko dute egunean bertan Chock Dee gimnasioan 10:00etan eta sarrera duenak doan parte hartu ahalko du.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide