Maridomingik Faktoria bisitatuko du bihar, Aiaraldeko sorginen laguntzarekin
Erredakzioa
2023ko abe. 22a, 10:26
Maridomingik ikuskizuna eskainiko du bihar Faktorian. 17:30ean hasiko da emanaldia eta sarrera doakoa izango da. "Maridomingiren istorioa inoiz ez bezala" kontatuko dutela aurreratu dute.
"Maridomingiren istorioa inoiz ez bezala" kontatuko dute bihar (abenduak 23) Faktorian eskainiko duten ikuskizunean. Kokoriko Hezkuntza Faktoriak antolatu du emanaldia, eta Maridomingik berak hartuko du parte bertan. Gabonetako pertsonaia, ordea, ez da bakarrik azalduko, eskualdeko beste hainbat sorginen laguntza izango du eta.
Hain zuzen ere, sorginen laguntza galdegin dute antolatzaileek. Ikuskizunean sorgin gisa parte hartu nahi duen oro batu daiteke Maridomingiren taldera. "Berdin du adina, gogoak baino ez dira behar", azpimarratu dute antolatzaileek. Parte hartzeko esteka honetan eman behar da izena.
Ikuskizuna, doakoa
Ikuskizuna 17:30ean hasiko da, baina Faktoriako ateak 17:00etan irekiko dituzte. Sarrera doakoa izango da, eta Maridomingik, gainera, eskualdeko haur guztiei luzatu die bertaratzeko gonbita. Behin ikuskizuna bukatuta, Maridomingirekin hitz egin eta argazkiak egiteko aukera izango dute bertaratutakoek.
Iaz ere antzeko emanaldia eskaini zuen Kokoriko Hezkuntza Faktoriak:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.