Jose Antonio Santano Garraio eta Mugikortasun Jasangarriko Estatu Idazkariak adierazpenak egin zituen atzo Aiaraldea zeharkatzen duen C-3 Renfeko zerbitzuari buruz. Espainiako Gobernuko ordezkariak azaldu zuen Eusko Jaurlaritzaren eskaera jarraiki, eskaintza handituko dutela eta Bilbo-Urduña ibilbidea egingo duten 74 tren egongo direla.
Horrez gain, beste 56 trenek lotuko dute Laudio eta Bilbo eta beste zortzi Civi -geltoki erabilietan soilik utziko dituztenak bidaiariak- ere egongo dira.
Aldaketa horien helburua da 05:00etik 23:30ak arte tren bat egotea hamabost minuturo.
Atzerapenen kontrako planak, bidaia luzatu
Bestalde, Santanok aurreratu du puntualtasuna bermatzeko plana abiatuko dutela, eta ordutegiak moldatuko dituztela fidagarriak izan daitezen. Hori bai, bidaiak hiru minutu gehiago luzatuko dira. Luzapen hori "azpiegituraren beharrei aurrei egiteko" erabiliko dute.
9,7 milioi euro
Horrekin guztiarekin batera, Renfek 9,7 milioi euroko inbertsioa egikarituko du; azpiegituraren elektrizitatea bermatzeko, LED argia instalatzeko, markesina berriak ezartzeko edota paperontziak eta bankuak aldatzeko.
Kritikak
Santanoren adierazpenek, edonola ere, ez dute jende guztia konbentzitu, eta, esatearren, X/Twitter sare sozialean irekitako Bilboko Aldiriko Kaltetuen kontuak kritikatu du jadanik 10 eta 20 minuturo daudela trenak Urduña eta Bilbo lotzeko eta ziurtatu duten gauza bakarra dela bidaiak luzeagoak izango direla.