Martxoaren 17an Kaskagorri eta Altzarrate klubek Laudioko, Amurrioko eta Aiarako udalekin elkarlanean antolatutako V. Berdintasunaren aldeko Eskualde Ibilbide Neurtua izango da.
Aurreko urteetan egin den bezala, kirolariak 10:00etan abiatuko dira aldi berean Laudioko eta Amurrioko Herriko Plazetatik, eskualdean berdintasuna indartzeko eta sustatzeko helburuarekin. Martxak Arabako bi herriak batuko ditu, laua eta familian egiteko zailtasunik gabea den 12.400 metroko ibilbidearekin. Gainera, ibilbidearen erdian, Luiaondon hain zuzen ere, parte-hartzaileentzako hornidura-puntua jarriko da, eta bertan edariak, frutak eta galletak egongo dira.
Izen-ematea
Parte hartu nahi dutenek martxoaren 17ra arte, edo kamiseta izakinak amaitu arte eman ahal izango dute izena, bi klubetan. Laudion herritarrek Udaletxeko sarrerara joan beharko dute astelehen, astearte, asteazken eta ostegunetan, 11:00etatik 14:00etara. Bertan Herri Laguntzaileak izango dira herritarrei arreta emateko.
Amurrioko bizilagunek Kultura Etxera joan beharko dute martxoaren 17a baino lehen, 17:00etatik 19:00etara astelehenetik ostegunera eta 11:00etatik 13:00etara ostiraletan.
Izen-emateak 10 euro balioko du. Parte hartzaileei kamiseta teknikoa eta zapi eta txapa oroigarriak emango zaizkie. Irabazleak izendatzeko, egindako denborak kontuan hartuko dira, baina tarteko denborak ere sarituko dira. Sariak Laudioko Lezeaga Aretoan banatuko dira ibilaldiaren ondorengo egunetan.
Argazkiak: Naia Vallejo, Laudioko Udala