PSE-EEk lau aiaraldear txertatu ditu Eusko Legebiltzarreko hauteskundeen Arabako zerredan

Aitor Aspuru Saez 2024ko ots. 28a, 19:00
Laura Fernandez, Amurrioko parkean PSE-EEk eginiko ekitaldi batean. / Aiaraldea.eus

Jorge Juez, Laura Fernandez, Itxiar Oribe eta Miguel Martin dira sozialistek hautatu dituzten hautagaiak. Hori bai, ez daude lehen bost zerrendakideen artean.

PSE-EEk lau aiaraldear sartu ditu Eusko Legebiltzarreko hauteskundeetarako zerrenda arabarrean. Honako hauek izango dira hautagaiak:

  • Jorge Juez: 8. postuan doa zerrendan. Laudioar hau 1975ean jaio zen eta EHUn ikasi zuen enpresen kudeaketa eta zuzendaritza diplomatura. Egun Tubacex enpresako Laudioko fabrikan lan egiten du, biltegiko administrari gisa.
  • Laura Fernandez: 11. postua doa zerrendan. Amurrioko zinegotzia eta Udal Gobernu Taldeko kidea da. Osakidetzako langilea ere bada, Txagorritxuko ospitalean radiologia zerbitzuko koordinatzailea baita. Madrilgo Complutense Unibertsitatean eta Bartzelonako Unibertsitate Autonomoan ikasi du, baita Coimbran ere. Hemen ikusi daiteke iaz Amurrioko alkate izateko aurkeztu zenean Aiaraldea Komunikabidearekin eginiko elkarrizketa:

  • Itxiar Oribe: 15. postuan doa zerrendan. Barakaldon jaio eta han bizi izan zen 29 urte bete arte. Geroztik Artziniegan dauka bizilekua, non alkategaia izan zen azken udal hauteskundeetan. Enplegu trebatzaile eta orientatzailea da ogibidez. Hemen ikusi daiteke iazko hauteskundeen atarian eginiko elkarrizketa:

  • Miguel Martin: 18. postuan doa zerrendan. Madrilen jaio zen 1961ean eta Amurriora joan zen 2005ean. PSE-EEko afiliatu bilakatu zen 2017an eta tokiko taldearen idazkaria da. Gizarte Segurantzako langilea da, Laudioko bulegoaren zuzendaria, zehazki.
Politika Araba

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide