Ehunka lagun atera ditu berriro ere kalera Emakume Langilearen Nazioarteko Egunak. Gaurko mobilizazioek azaroaren 30eko Greba Feminista Orokorraren lekukoa hartu dute, eta zaintza sistema publiko komunitarioaren aldeko borrokan berretsi da eskualdeko mugimendu feminista.
Laudion, Aiaran, Okondon, Orozkon, Artziniegan, Urduñan eta Amurrion egin dituzte elkarretaratze eta mobilizazioak arratsaldean. Indarkeria matxistarik gabeko bizitzen aldeko aldarriak ere ez dira falta izan, pankarta eta zapi moreekin batera.
Aurtengo protestetan Palestinako emakumeak izan dituzte presente. "Emakumeon gorputzak dira konkistarako lehenengo lurraldeak, Euskal Herritik elkartasunik beroena Palestinako emakumeentzat", aldarrikatu dute, adibidez, Amurrioko mobilizazioaren osteko hitzartzean.
Argazkiak: Naia Vallejo Torres, Aimar Gutierrez Bidarte, Aitor Aspuru Saez, Txabi Alvarado Bañares, Iosu Zaldibar
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
