Aiaraldea Ekintzen Faktoriak bat egin du Euskararen Semaforoarekin

Erredakzioa 2024ko apirilaren 8a
Deskargatu Info Ahotsak :

Semaforoaren figura erabili dute ekitaldiak hizkuntzaren erabileraren arabera sailkatzeko. / Aiaraldeko Euskalgintza Kontseilua

Hemendik aurrera, Aiaraldea Kooperatiba Elkarteak antolatzen dituen jarduera guztien karteletan egongo da Aiaraldeko Euskalgintza Kontseiluak proposatutako neurgailua.

Euskararen Semaforoarekin bat egin du Aiaraldea Ekintzen Faktoriak. Otsailean aurkeztu zuen tresna hori Aiaraldeko Euskalgintza Kontseiluak, eta hura erabiltzeko gonbita luzatu zien eskualdeko zein eskualdetik kanpoko elkarte, erakunde zein norbanako guztiei. Antolatzen diren ekintzetan euskarak izango duen presentzia publikoki adieraztea da ekimenaren xedea, jarduerak semaforo baten koloreen arabera sailkatuz, nutriscore formatuko diseinu bat baliatuta. 

Gauzak hala, Aiaraldea Ekintzen Faktoriak antolatzen dituen ekintza guztien kartel eta bestelako iragarkietan egongo da txertatuta bereizgarri hori aurrerantzean. Dena den, kolore berdea izango da nagusi neurgailuetan, euskara hutsez funtzionatzen duen eragilea baita. 

Edozein taldek eta erakundek egin dezake bat ekimenarekin. Horretarako, baliabide kutxa osatu du Euskalgintza Kontseiluak, beharrezko argibide eta diseinu euskarri guztiekin.  

Euskara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide