Renfek tren zerbitzua indartuko du Athletic Clubeko gabarra ikusi nahi dutenentzat

Aitor Aspuru Saez 2024ko apirilaren 10a
Deskargatu Info Ahotsak :

Athleticzaleentzako zerbitzu berezia izango da biharkoa. / Aiaraldea.eus

Renfek aldiriko zerbitzua indartu du Bilbon eta bi tren gehiago eskainiko ditu bihar, bat hiriburura joateko eta bestea itzultzeko.

Athletic Clubak Errege Kopa irabazi ostean, jendetza espero dute Bilbon bihar arratsaldez, gabarrak itsasadarra zeharkatzen duen bitartean bereziki.

Jokalariak eta kopa eramango dituen ontzia 16:30ean abiatuko da Abratik eta 18:35ean Bilboko Udaletxera heltzea aurreikusi dute.

Hori dela eta, ohiko trenekin batera, 17:30ean beste bat aterako da Laudiotik eta 17:59ean helduko da Bilbora.

Itzultzeko, aldiz, zerbitzu gehigarria eskainiko du Renfek 23:55ean. Ordu horretan abiatuko da Abandotik eta 00:45ean amaituko du ibilbidea Urduñan.

Gainerako zerbitzuak Renfeko webgunean kontsulta daitezke. Bide batez, erakundeek zenbait gomendio egin dituzte arazoak ekiditeko. Besteak beste, umeekin lehen lerroan ez egotea eta beti egotea adi irteeretara, ezbeharrak gertatuz gero.

Kirola

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide