Iñigo Uriak irabazi zuen Lapurtarren Itzulia eta aiaraldearrek podium sorta eman diote jadanik Alimco Campagnolo taldeari

Aitor Aspuru Saez 2024ko api. 10a, 10:44
Deskargatu Info Ahotsak :

Iñigo Uria bere kideek babestuta.

Iñigo Uriak lortu zuen garaipena eta Iker Colmenero taldekidearen laguntza izan zuen horretarako.

Iñigo Uriak garaipen garrantzitsua lortu zuen Euskal Herriko Iparraldean igandean. Hain zuzen, Lapurtarren Itzulian izan zen, Baionan hasi eta Lizarrietako gainan amaitu zena, bost kilometroko igoeraren ondoren.

Lasterketak ihesaldi nagusi bat izan zuen eta tropelak bertan behera utzi ostean, Iñigo Uriak aukera baliatu zuen eta maldan gora ekin zion buruan jartzeari. Saiakera horretan ez zen bakarrik egon, hiru taldekidek babestu baitzuten.

Hori dela eta, Uriaren lehen postuarekin batera, Iker Colmenero laudioarrak laugarren sartzea lortu zuen metara.

Izan ere, aiaraldearrez josita dago Alimco Campagnolo taldea. Hodei Muñoz izan zen lehenegoa klubean sartzen aurreko denboraldian, baina orain Iñigo Uria, Iker eta Oier Colmenero eta Ekhi Uriarte ere daude.

Berez, Aiala Txirrindularitza Taldeak egindako lana profitatu du Alimcok eta uzta handia jaso du eskualdean.

Aiaraldearrek emaitza oso onak eman dizkiote Alimcori

Eskualdeko txirrindulariek podium sorta duina lortu dute talderako. Esaterako, Hodei Muñoz luiaondoarrak Amorebietako Klasikoa irabazi zuen esprintean martxoaren amaieran. Astebete lehenago Iñigo Uriak bigarren postua eskuratu zuen Antzuolako Uzarragara Igoeran, eta hurrengo egunean Iker Colmenero nagusitu zen Altsasun, Hodei Muñoz bigarren izan zen bitartean.

Martxoaren erdialdean Ekhi Uriartek eraman zuen garaipena Berriatuan eta astebete lehenago Iñigo Uria podiumera igo zen Altsasun, hirugarren postua erdietsita.

Kirola

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide