Astebete baino gutxiago falta da Eusko Legebiltzarrerako hauteskundeak izateko. Horri begira, hauteskunde debatea antolatu du Aiaraldea Komunikabideak gaur Faktorian, 19:00etan.
Eskualdean ordezkaritza duten eta hauteskunde hauetara aurkezten diren talde politiko guztiei luzatu zaie eztabaidan parte hartzeko gonbita, bi baldintzarekin: debatea euskara hutsez izatea eta eskualdeko ordezkariek parte hartzea.
Gauzak hala, hiru alderdi animatu dira gaurko zitan parte hartzera: Ander Añibarro Maestre bertaratuko da EAJ-PNVren izenean, Eba Blanco de Angulo EH Bilduren izenean eta Juan Carlos Ruiz Diez, PPren izenean.
Hauteskundeak EAE mailakoak diren arren, biharko debatean protagonismo berezia eman zaie Aiaraldean modu batean edo bestean zeresana izan duten gaiei. Gauzak hala, Osakidetzaren egoera, industria politika, euskara eta trantsizio energetikoa izan dituzte ardatz EAJ-PNV, EH Bildu eta PPk.
Bloke guztietan egon da eztabaida alderdien artean, eta beste hainbat azpi-gai atera dira mahai gainera: Autoglas-Glavistaren egoera, hizkuntza eskakizunak edota etxebizitza politika, besteak beste.