.JPG)
EH Bilduk salatu duenez, Arabako Foru Aldundiko Gizarte Zerbitzuen Saialak emandako jarraibidearen arabera Etxeko Laguntza Zerbitzuak murrizketak aplikatuko dira. Hain zuzen ere, hemendik aurrerako eskatzaile berriei ez zaie eskainiko gaur egun Arabako ia ehun lagunei eskaintzen zaien hiru orduko zerbitzua.
Gizarte Zerbitzuen Sailak Oinarrizko Gizarte Zerbitzuei igorritako jarraibidearen arabera, arreta-orduak aldatuko dituzte menpekotasun 0 gradua duten pertsona autonomoei.
Aurrerantzean neurri honen aplikazioa salbuespenezkoa izango da, eta ez zaie erabiltzaile berriei eskainiko.
Mozioak Aiaran eta Artziniegan
Egoera horren aurrean EH Bilduk mozioak aurkeztu ditu zenbait udaletan, tartean Aiara eta Artziniegako Udaletan.
"Bertan, Arabako Foru Aldundiari eskatzen zaio instrukzio hori indarrik gabe uzteko, autonomoei eskaintzen zaien zerbitzuari dagokionez. Izan ere, mendekotasun-arriskuan dagoen erabiltzaileari etxean egoten laguntzen dion oinarrizko zerbitzua da, eta etxeko laguntza zein laguntza pertsonala eskaintzen dizkio" —azaldu du koalizioa subiranistak plazaratutako oharrean—.
"Azken batean, bere etxean egoteko eta komunitatean integratzeko aukera ematen dio, isolamendu-egoerak saihestuz", adierazi du.
Gizarte Zerbitzuen Sailak emandako jarraibidea "landa eremuarentzako bidegabea" dela salatu du ere EH Bilduk. Izan ere, Gasteizen zerbitzua eskaintzen jarraituko dute; "landa eremuan zerbitzu gutxiago eskaintzen direla agerian utziz". Aiara eta Artziniegako udalbatzetan onartu egin da EH Bilduk aurkeztutako testua.