EUSKO LEGEBILTZARRERAKO HAUTESKUNDEAK

Zabaldu dituzte Eusko Legebiltzarrerako hauteskundeetako hautetsontziak

Aimar Gutierrez Bidarte 2024ko apirilaren 21a

Bozkaleku guztiak daude zabalik Aiaraldean. / Aiaraldea.eus

Honezkero zabalik daude eskualdeko bederatzi udalerrietako hautetsontziak. Aiaraldearrek 20:00ak arte izango dute botoa emateko aukera Eusko Legebiltzarrerako hauteskundeetan.

Hasi dira Eusko Legebiltzarrerako hauteskundeak. Inolako arazorik gabe zabaldu dituzte Aiaraldeko bederatzi udalerrietako hautetsontziak. Eskualdeko bizilagunek 20:00ak arte izango dute botoa emateko aukera.

Hauteskunde Batzordeak 14:00etan eta 18:00etan jakinaraziko ditu parte-hartze datuak, eta Aiaraldea Komunikabideak herriz herri landuko ditu. 20:00etatik aurrera zenbaketaren zuzeneko jarraipena egin ahalko dute herritarrek Aiaraldea.eus atarian. Bien bitartean, hauteskundeetako emaitza historikoak kontsultatu daitezke hemen.

Politika

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide