Inprentatik atera berri da Aiaraldea Hemen hamabostekariaren 199. zenbakia. Gai eta elkarrizketa ugari jorratu ditu agerkariak 32 orrialdeetan.
Tokiko merkataritzak hartu du hamabostekariko azala. Izan ere, Izan Amurrio eta APILL elkarteetako kideekin bildu gara sektorearen egoera aztertzeko, eta ez da bereziki xamurra: azken bost urteetan 70 komertziok baino gehiagok jaitsi dute pertsiana Aiaraldean. Datu horren atzean dagoen errealitatea aztertu dugu.
Bestelako gaiak ere jorratu ditugu agerkarian, eta izen propio ugari topatuko ditu irakurleak bertan: Daniela Hristova umoregilea, Maite Muguruza futbolaria, Ez Dok Bape musika taldea edota Jon Andoni Martinez eta Andoni Agirretxe tenis jokalariak. Azken hilabeteko festei ere eskaini diegu tokia, argazki galeria zabal batekin.
Hauek eta beste hainbeste gai aurkituko ditu irakurleak Aiaraldea Hemen hamabostekariko orrietan. Datozen egunetan banatuko da hamabostekaria eskualdeko saltoki, taberna, ikastetxe, kulturgune, liburutegi eta kaleetan, doan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
