Palestinar herriarekin bat egin dute Amurrion eta Laudion, “SOS Rafha” lemapean

Aimar Gutierrez Bidarte 2024ko mai. 11a, 17:15
Deskargatu Info Ahotsak :

Elkarretaratzeak egin dituzte Amurrion eta Laudion, Gernika-Palestina herri ekimenaren deialdiarekin bat eginda. Israelek Gazako biztanleen aurka darabilen “genozidioa” salatu dute.

Biderkatu egin dira Palestinaren aldeko elkartasun keinuak Aiaraldean, Israelek Gazaren kontrako ofentsiba azken muturrera eramaten ari den unean. Gaur Amurrion eta Laudion egin dituzte elkarretaratzeak, Gernika-Palestina herri ekimenak Euskal Herri luze zabalean deituriko mobilizazioekin bat eginez.

Elkarretaratzeetan oso presente izan dituzte Gaza hegoaldeko Rafha inguruko herritarrak. Azken egunetan areagotu egin ditu Israelek zonalde horren kontrako erasoak. Ofentsiba hasi zuenetik 32.000 lagun baino gehiago erail ditu estatu sionistak.

Mobilizazio gehiago

Palestinaren aldeko elkartasunak ez du etenik, eta datorren asterako deialdi gehiago daude deituta eskualdean. Astelehenean (maiatzak 13) Laudioko Lamuza Plazan elkartuko dira Aiaraldeko ikastetxe guztietako ikasleak, Ikama Ikasle Antolakundeak deituta.

Maiatzaren 15ean, berriro izango da Lamuza Plaza Palestinaren aldeko elkartasunaren erdigune. GKSk eta Laudioko Gaztetxeak elkarretaratzea deitu dute 18:30ean.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide