Mirari Gotxi, Ander Ganzabal, Ion Egia eta Hodei Muñoz podiumetara igo dira asteburuan

Aitor Aspuru Saez 2024ko eka. 5a, 08:00
Deskargatu Info Ahotsak :

Mirari Gotxi Bergarako podiumean. / Euskal Txirrindularitza Federazioa

Mirari Gotxi bigarren izan zen Euskadiko CRI Txapelketan, Hodei Muñoz hirugarren Euskadiko Junior Txapelketan eta Ion Egiak irabazi zuen Etxebarriko VII. Sari Nagusia.

Eskualdeko txirrindulariek asteburu oparoa izan dute txapelketa anitzetan. Ander Ganzabal orozkoarrak garaipen izugarria lortu zuen azken segundoan Done Pedro Sari Nagusian. Azken aldapan esprinta hasi zen tropelean eta, oso ondo kokatuta ez egon arren, postuak aurreratzen joan zen Ganzabal, aurrean zegoenari aurreratu arte. Balio handiagoa emateko emaitzari, aipatu beharra dago orozkoarra Basakabin erori zela eta zaurituta heldu zela amaierara. Egindakoak eskura jarri dio Euskaldun Txapelketako irabazlea izatea, egun duen maillot urdinari eutsiz gero.

Larunbatean Zegaman Euskadiko Junior Txapelketa egon zen jokoan eta Hodei Muñozek hirugarren postua eskuratu zuen. Podiumera igotzeko azken unera arte borrokatu behar izan zen eta esprintean ondo aritu. Gainera, Ekhi Uriarte luiaondoarraren taldekideak seigarren zeharkatu zuen helmuga.

Egun berean, hau da, larunbatean, Etxebarriko VII. Sari Nagusia lehiatu zen eta Ion Egiak garaikur berria ekarri zuen Laudiora, proba irabazi baitzuen. Berriro ere esprintean gailendu zen laudioarra.

Azkenik, igandean Euskadiko CRI Txapelketa antolatu zuten Bergaran. Mirari Gotxi bigarren sailkatu zen LXXXVII. San Antonio Sari horretan.

Kirola

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide