Europar Hauteskundeak dira, historikoki, herritarren artean arreta gutxien erakartzen duten bozak, eta gaurko deialdia ez da salbuespena izaten ari. Izan ere, Espainiako Barne Ministerioak zabaldutako datuen arabera, Aiaraldeko herritar gehienak ez dira mobilizatu euren boza emateko.
2019ko hauteskundeekin alderatuta, parte hartzearen beherakada nabarmena da, herri batzuetan bestetan baino handiagoa den arren.
Honako hauek dira ehunekoak herriz herri, 2019ko ordu bereko emaitzekin alderatuta:
- Aiara: %28,79 (-%10,5)
- Amurrio: %32,26 (-%7,4)
- Urduña: %30,58 (-%13,8)
- Orozko: %31,08 (-%13,2)
- Laudio: %31,69 (-%6,8)
- Okondo: %31,13 (-%11,3)
- Artziniega: %32,72 (-%6,5)
- Arakaldo: %16,8 (-%16,5)
- Arrankudiaga-Zollo: %40,37 (-%25,2)
Joera orokorra da Espainiako Estatuan: egungo hauteskundeek 2019koak baino atxikimendu gutxiago lortu dute.
Hala ere, parte hartzea 2014ko hauteskundeetan baino handiagoa ari da izaten, grafikoan eta honako datuetan ikus daitekeen moduan:
- Aiara: %28,79 (+%5,5)
- Amurrio: %32,26 (+%8)
- Urduña: %30,58 (+%3,1)
- Orozko: %31,08 (+%5,8)
- Laudio: %31,69 (+%8,3)
- Okondo: %31,13 (+%7,7)
- Artziniega: %32,72 (+%5,8)
- Arakaldo: %16,8 (-%4,82)
- Arrankudiaga-Zollo: %40,37 (+%5)