Inprentatik atera berri da Aiaraldea Hemen hamabostekariaren 201. zenbakia. Ohikoan bezala, hainbat erreportaje, elkarrizketa eta artikulu dakartza agerkariak, azken asteetan eskualdean jazotako hainbat gertakariren ingurukoak guztiak.
Amurrioko Udalak Aiaraldea Komunikabideari kendutako dirulaguntzaren gaia eraman dugu aldizkariaren azalera, afera horri buruzko 6 orriko eduki berezia osatu baitugu.
Baina badaude bestelako edukiak ere: frankistek fusilatutako Modesto Manuel Azkona Garaicoechearen iloba elkarrizketatu dugu, duela bi aste egiaztatu baitzuten 2019an Burgosko hilerri batean topatutako hezurrak Diputatu saratxoarrarenak zirela.
Kirol eta kultura ataletan, aldiz, Uxue Alonso eskubaloi jokalaria eta Janire Etxabe dantzaria ere elkarrizketatu ditugu, hurrenez hurren.
Eskualdeko ikastetxe, taberna, saltoki, kulturgune, kiosko eta kaleetan eskuratu daiteke papereko edizioa, erabat doan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
