Jaien gehigarri berezia dakar ikasturteko azken hamabostekariak

Erredakzioa 2024ko ekainaren 19a

Hamabostekariaren barruan topatu daiteke jaiei buruzko gehigarri berezia. / Aiaraldea.eus

Gaurtik aurrera eskuratu ahalko da hamabostekaria eskualdeko saltoki, taberna, ikastetxe, kale eta bestelako topaguneetan, doan.

Gaur argitaratuko da Aiaraldea Hemen hamabostekariaren ikasturteko azken zenbakia. Uda ate joka dagoenez, ekainean eta uztailean eskualdean egongo diren jaiei buruzko gehigarria dakar aldizkariak. Hala, San Joan Astobitza, Sanpedropeko, Arakaldo, Luiaondo, Areta eta Ugarteko festen egitarauei buruzko informazioa topatuko du irakurleak.

Ospakizunez harago, eduki sorta oparoa du hamabostekariak. Maider Ramirez Martin itzultzaileari eginiko elkarrizketa doa azalean, baina beste hainbat pertsona ere agertzen dira orrialdeetan: Sergio Balchada historialaria, Itsasne Egia xake jokalaria, Idoia Arzuaga kickboxing borrokalaria edota Olinpiar Jokoetako lastargia eramango duen Javier Lopez Perez amurrioarra. Horrez gain, Larrauzabalgo kutxari buruzko erreportajea edota Orozkorocken eginiko mahainguruaren kronika ere dakartza agerkariak.

Eskualdeko saltoki, taberna, ikastetxe, kale eta bestelako topaguneetan eskuratu daiteke hamabostekaria, doan.

Komunikazioa

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide